Ирек Файзуллин Нефтехимиксен паркне çитсе курнă

Пысăк мероприятие хутшăниччен Раççей строительство министрĕ ПР Пуçлăхĕпе Радий Хабировпа Ĕпхÿри Нефтехимиксен культурăпа кану паркне çитсе курнă.

Юсаса çĕнетнĕ парка Раççей тата Ĕпхÿ хула кунĕсенче, июнĕн 12-мĕшĕнче, уçнă. Кунта спорт тата ача-пăча лапамĕсем йĕркеленĕ, велосипедсемпе ярăнакансем тата çуран çÿрекенсем валли çулсем хывнă, йытăсене уçăлтармалли лапамсем тунă тата ытти те.

Территорие симĕслетессине те пысăк тимлĕх уйăрнă: 68 пин тăваткал метр газона йĕркене кĕртнĕ, 370 йывăç тата 2 пине яхăн тĕм, çавăн пекех чечек çуракан ÿсен-тăрансем лартнă. Паркри шăвармалли система автомат мелĕпе ĕçлет. Унсăр пуçне 61 камера, 136 диван тата сак, 136 çÿп-çап савăчĕ вырнаçтарнă. Проект шайĕнче парка кĕнĕ çĕртри истори аркине те çĕнетнĕ.