Радий Хабиров Узбекистанри Наманган облаçĕн хокимĕпе тĕл пулнă

Проектсенчен пĕри  Ĕпхÿ хулинче Наманган облаçĕн  пусма таварне сутмалли çурт уçасси шутланать.

-Пирĕн Белоруссинчи «Коминтерн»  çăмăл промышленность предприятийĕпе опыт пур. Çавăнпа та Узбекистанра туса хатĕрленĕ паха тумтир Пушкăртстан çыннисемшĕн те вырăнлă тата кирлĕ пуласса шанатăп.

Çавăн пекех икĕ республика ял хуçалăхĕн  çыхăнăвĕсене аталантарма, пахча çимĕçе, типĕтнĕ улма-çырлана сутăн илесси пирки калаçса татăлнă.

- Пирĕн республика Узбекистанран илсе килекен типĕтнĕ улма-çырлана пĕтĕм Раççейĕпе салатакан вырăн пулма хатĕр. Çавăн пекех агропромышленность сферинчи инвесторсене Пушкăртстан территоринче хăйсен проекчĕсене пурнăçа кĕртме сĕнетпĕр, - тесе çырнă Радий Хабиров хăйĕн социаллă сечĕсенче.