Алăра - «Пурнăç урапи»

«Мĕн çинчен çыратăн» текен ыйту çине сăмах ăсти татăклăн çапла хурав парать: «Паллах, пурнăç çинчен. Урăх мĕн çинчен çырмалла-ха? Хамăн аннепе мăшăр çинчен ытларах йĕркесем пуçа пырса кĕреççĕ. Вĕсем çĕр çинче чи хаклă çынсем вĕт. Ытти тăван-пĕлĕшсене те манман. Çын шăпи, çынна юратни, туслăхпа тăванлăх, татулăхпа тăнăçлăх, ыратупа юрату, çут çанталăк илемĕпе ăна упрасси çинчен тĕрлĕ хайлавсем калăплатăп»,- тет. Çак йĕркесене кĕнекен «Ум сăмахĕнче» чăваш наци академикĕ Владимир Максимов таврапĕлÿçĕ çырса кăтартать.
Малалла вара ăсчах хăйĕн шухăшне те пĕлтерме манман: «Сăвăсен янравĕ, ритмĕ, тарăн шухăшĕ вулаканăн чун-чĕрине хавхалантарма пултарĕ тесе шутлатăп. «Пурнăç урапи» сăвă кĕнеки чăваш литературин çÿлĕкĕ çинче тивĕçлĕ вырăн йышăнасса шанас килет».
Сăмах май, Александр Михайловичăн малтанхи кĕнекисем «Тăван тавралăх» (2010 ç.) тата «Ту-сăртсен ытамĕнче» (2015 ç.) ятпа пичетленсе тухнă.
Юрий СНЕГОПАД.