«Улăх чечекĕ»

Пĕр хуплашка айĕнчи 72 страницăра вырăн тупнă икĕ калаври ĕçсем çĕр çинче пулса иртеççĕ пулин те, вĕсем пĕр-пĕринпе нимĕнле те çыхăнман. Пĕрремĕшĕнче – чăн-чăн та таса юрату, тарăху та хирĕçÿ витĕр тухса, ешĕл курăк чула шăтарса хĕвел патнелле туртăннă евĕр, каччăпа хĕре кун-çул телейне парнелет. Иккĕмĕшĕнче – Илья Ильич, ăслă çын, пурнăçăн тĕрлĕ ыйтăвĕсене хăй ăнланнă пек хурав та хак парать: тăван халăх пирки, политикăпа влаç çыннисем, кĕнеке, культура, вăрçă-харçă инкекĕсем çинчен тата ытти те.
Манăн пĕрремĕш вулакансем тата хак паракансем, яланхи пекех – Чăваш Кăпавĕ салинчи «Пилеш» халăх ансамблĕн пайташĕсемпе вĕсене кашни уявра итлекенсем.
Василий АНТОНОВ çыравçă.
Иглин районĕ, Чăваш Кăпавĕ ялĕ.