Шаран районĕнче фикультурăпа сиплев комплексĕ уçăлнă

Çак кунсенче Шаран салинче паянхи саманана тивĕçтерекен бассейнлă физкультурăпа сиплев комплексĕ хăйĕн алăкĕсене уçнă. Спорт объектне ПР Пуçлăхĕн Радий Хабировăн пулăшăвĕпе хăпартнă.

Шаран район администрацийĕн пресс-служби пĕлтернĕ тăрăх, асăннă комплексра футбол, волейбол тата баскетбол спорт тĕсĕсемпе занятисем йĕркелĕç. Çавăн пекех кунта спорт кĕрешĕвĕн, пилĕк çинчи пиçиххипе кĕрешесси, куреш секцийĕсем ĕçлĕç.
Спорт объекчĕ уçăлнă кунах пĕрремĕш ăмăртусем иртнĕ – районти ĕç коллективĕсем хушшинче волейбол енĕпе турнир йĕркеленĕ.