Кăçал Пушкăртстанри 300 аякри ялта та интернет пулĕ

Юлашки пилĕк çул хушшинче Пушкăртстан ял-хуласене цифровизацилес ĕçре пысăк утăмсем турĕ. Халĕ çĕнĕлĕх аякри ял-саласене çитмелле.

Республикăра юлашки пилĕк çул хушшинче операторсем çичĕ пине яхăн базăллă станци хăпартнă тата юсанă. Карас çыхăнăвне (сотовая связь) пине яхăн ял-хулара ирттернĕ. Халĕ пире цифра танмарлăхне пĕтермелли программăна кĕртнĕ. Ун тăрăх 100-500 çын пурăнакан ял-саласенче  4G мобильлĕ çыхăнупа тивĕçтермелле. Иртнĕ çул 242 базăлла станци хута янă, 242 ял-хулара çыхăну йĕркеленĕ.