Автомобиль номерĕ çинче Раççейĕн виçĕ тĕслĕ ялавĕ пулмаллах

Автомобиль номерĕн сылтăм енчи аял пайĕнче Раççей триколорне çирĕплетесси çине малашне пысăк тимлĕх уйăрĕç. Çулталăх вĕçлениччен улшăнусене пула Р 50577-2018 -мĕш номерлĕ ГОСТа («Транспорт хатĕрĕсен патшалăх регистрацин паллисем. Тĕсĕсем тата тĕп виçисем. Техника требованийĕсем») çĕнĕлĕхсем кĕртĕç. Çакăн çинчен хăйĕн телеграм-каналĕнче РФ Патшалăх Думин информаци политикипе, информаци технологийĕсемпе тата çыхăнупа ĕçлекен комитет председателĕ Александр Хинштейн пĕлтернĕ.

Сăмах май, Раççейре автомобиль номерне тĕрлĕ хатĕрпе ятарласа хупланăшăн е пытарнăшăн малашне çулталăк çура çити водитель удостоверенийĕсĕр хăварма пултараççĕ. Çак закона Патшалăх Думин депутачĕсем пĕрремĕш вулавра çирĕплетнĕ. Хальхи вăхăтра патшалăх номерне водитель ятарласа хупланăшăн 5 пин штраф тÿлет е виçĕ уйăха правасăр тăрса юлма пултарать.

Юрий СНЕГОПАД.

Автор:Юрий Михайлов

Читайте нас:

Новости партнеров

Ҡыш ҡасан килә?

Уфимский лимонарий – точка притяжения туристов со всех концов России

Балтачлар аккошлар гаиләсе өчен борчыла

Телефон

8-347-86-4-12-78

Электронлă почта

[email protected]

Адрес