Пелепей хула администрацин çĕнĕ пуçлăхне суйланă

Пушкăртстанри муниципалитетсен Канашĕн информацийĕ тăрăх, Пелепей хулин администраци пуçлăхĕ пулма Татьяна  Зубована çирĕплетнĕ. Татьяна Борисовнане ертÿçе суйласси тата унпа контракта алă пусасси Пелепей хулипе районĕн хула хутлăхĕн 14-мĕш ларăвĕнче иртнĕ.  Депутатсем пĕр сасăллă пулса асăннă кандидатурăна ырланă.

Татьяна Зубова 2025 çулхи апрель уйăхĕнчен Пелепей хулин администраци пуçлăхĕн тивĕçĕсене вăхăтлăха пурнăçланă. Маларах, 2024 çултан администраци пуçлахĕн çумĕ – çурт-йĕрпе коммуналлă хуçалăх уйрăмĕн ертÿçи пулса ĕçленĕ.