Икĕ автомобиль çапăннă, пилĕк çын вилнĕ

Паян,май уйăхĕн 10-мĕшĕнче, ирхине Мишкин районĕнче çул-йĕр инкекĕ пулса иртнĕ. Пушкăртстанри çÿл-йĕр çинчи хăрушсăрлăх патшалăх автоинспекцийĕ пĕлтернĕ тăрăх, Ĕпху – Янаул çулăн 133-мĕш çухрăмĕнче Renault Sandero автомобильпе Skoda Rооmster çапăннă. Малтанхи информаципе аварире пилĕк çын вилнĕ: иккĕшĕ - Renault çинче, виççĕшĕ Skoda çăмăл машинăра пулнă. Пассажирсен хушшинче ачасем пулнипе пулманнине хальлĕхе инспекторсем уçăмлатаççĕ.

Renault Sandero тепĕр автомобильпе çапăннă хыççăн кювета анса кайса çаврăнса ÿкнĕ те çунма пуçланă. Вут-çулăма вырăна килсе çитнĕ çăлавçăсем сÿнтернĕ.

Пăтăрмах пулса иртнĕ вырăна ПР ШĔМĕн çул-йĕр çинчи хăрушсăрлăх патшалăх инспекцийĕн ертÿçисем, республикăри ШĔМĕн следстви управленин çул çинчи инкексене тишкерекен ятарлă уйрăмăн ĕçченĕсем тата куçса çÿрекен экспертпа криминалистика лабораторийĕ килсе çитнĕ тесе пĕлтернĕ ПР ШĔМĕн пресс-служби.

Юрий СНЕГОПАД.

Автор: Юрий Михайлов

Читайте нас