«Чĕресен летопиçĕ» акци çула тухать

Тăван çĕршывăн Аслă вăрçи вăхăтĕнче пирĕн çĕршыври театрсем фронтри бригадăсем йĕркеленĕ, совет çарĕ валли укçа-тенкĕ пухнă тата тылра ĕçлекенсене мораль тĕлĕшĕнчен кăмăла çĕкленĕ. Акци шайĕнче театр искусстви йывăр вăхăтра çынсем мĕнле сывă юлма пултарни тата театрсем хăйсем çав тапхăрта мĕнле çăлăнса юлни çинчен ÿкернĕ видироликсем хатĕрленĕ.

Май уйăхĕн 1-мĕшĕнчен пуçласа 10-мĕшĕччен шкул ачисен хăйсен пултарулăх ĕçĕсене виçĕ номинаципе кăтартма май пур: шкулти театр (Тăван çĕршывăн Аслă вăрçи темипе çыхăнтарса лартнă сценка е спектакль), вокал (çав вăхăтри юрăсем), ташă (çарпа патриотизм темипе). Вĕсене ВКонтакте социаллă сетьре #9маякдш хештегпа вырнаçтармалла.

Чи лайăх 30 ĕçе «Культурадляшкольников. РФ» порталта вырнаçтарĕç, проект ятĕнчен вĕсен авторĕсене сертификатсем тата асăнмалăх парнесем парса чыслĕç.

Юрий СНЕГОПАД.