Ырă кăмăллă çынсем йывăр лару-тăрăва лекнĕ çемьесем валли япаласем пухнă

«Ырăлăхăн çемье бумерангĕ» акци шайĕнче Пушкăртстанра пурăнакансем пĕр эрне хушшинче 500 яхăн ача-пăча тумĕ, атă-пушмакĕ, теттесемпе кĕнекесем, вырăн таврашĕсем, канцеляри япалисем, гигиена хатĕрĕсем пухса панă. Çакăн пирки республикăри Çемье, ĕç тата халăха социаллă хÿтлĕх парассине тимлекен ведомствăн ертÿçи Ленара Иванова пĕлтернĕ.

Министр сăмахĕсем тăрăх, акцие Илишпа Чекмагуш, Калтасăпа Татăшлă, Кигипе Салават, Учалăпа Кугарчă тата Мияки районĕсем хастар хутшăннă.

- 85 çемье (вĕсенче пĕтĕмĕшле 251 ача) çие тăхăнмалли япаласене, сĕтел-пукансемпе коляскăсене илнĕ. Çав шутра - икĕ е виçĕ йĕкĕреш ачасем, çавăн пекех социаллă пулăшăва тивĕçнĕ çемьесем. Туссем, пĕр-пĕр çыннăн пурнăçне илемлĕрех тума пулăшнăшăн пысăк тав, - акцие хутшăннисене тав туса каланă Ленара Иванова.

Автор:Ирида Матниязова

Читайте нас

Партнеры