«Пушкăртстанран юратса» акци 3,5 тонна посылка илсе çитернĕ

Çитес парти октябрь уйăхĕн вĕçĕнче – ноябрь уйăхĕн пуçламăшĕнче çула тухĕ. Çавăн пекех «Пушкăртстанран юратса» акци ноябрь уйăхĕнче Санкт-Петербургри студентсене те савăнтарĕ.
Акци пĕтĕмлетĕвĕсемпе ПР Çамрăксен министерствин ертÿçи Вито Сабиров паллаштарнă. Маршрута икĕ юхăм тăрăх йĕркеленĕ, вăл 26 ял-хулана ярса илнĕ. Шăпах вĕсенче студентсем валли тăванĕсенчен посылкăсем пухнă. РФ Президенчĕ çумĕнчи республикăн полномочиллĕ представительствипе пĕрле тачă çыхăнса ĕçленĕрен маршрутсен шутне ÿстерме май килнĕ: 3,5 тонна таякан 180 посылкăна Мускаври тата унăн облаçĕнчи çичĕ маршрут тăрăх салатнă.
– Акци йĕркеленин пĕлтерĕшĕ пысăк – ашшĕ-амăшĕсем те, студентсем те тав тăваççĕ, – палăртнă Вито Сабиров.
– Çакă республикăшăн пысăках мар тăкак, ĕçĕ вара, чăнах та, ырă, пархатарлă. Ялсенче пурăнакан ашшĕ-амăшĕсем апат-çимĕç пакетне, ăшă тумтире мĕнле майпа ăсатассишĕн пăшăрханаççĕ. Пурне те пысăк тав, – тенĕ Радий Хабиров.

Фото: минмолодежи РБ.