Владимир Путин Пĕтĕм тĕнчери студентсемпе çамрăксен фестивальне ирттерессине ырланă

Президент шухăшĕпе çакна йĕркелеме паянхи кун çăмăлах пулмĕ, анчах та шухăшĕ тĕрĕс те вырăнлă пулнине пĕлтернĕ. Çĕршыв пуçлăхĕ çакăн пек форумсен пĕлтерĕшĕ пысăк пулнине палăртнă, мĕншĕн тесен вĕсем çынсене пĕрлештереççĕ. «Шухăшланине пурнăçа кĕртес тесен Пĕтĕм тĕнчери структурăсемпе ĕçлессине тивĕçлĕ шайра  йĕркелемелле тата федераллă центр мĕн тума пултарнине мобилизацилемелле»,-  тенĕ В.Путин.

РФ президенчĕ каланă тарăх, 2017 çулта, 2014 çулта Крымра пулса иртнĕ лару-тарăва пăхмасăр, Раççей тĕнчери студентсемпе çамрăксен фестивальне ăнăçлă йĕркелесе ирттернĕ. Владимир Владимирович хĕр-студента сĕнÿ панăшăн тав тунă. Çав вăхăтрах Дарья Семенова фестивальте волонтер пулса ĕçлеме кăмăл пуррине пĕлтернĕ. Унсăр пуçне çĕршыв пуçлăхĕ хĕре фестиваль йĕркелес ĕçе явăçтарма шантарнă.

Юрий СНЕГОПАД.