Маттур, Антон!

Нумаях пулмасть Ĕпхÿре иртнĕ «АгроКомплекс» кураври «АгроЮность – 2023» конкурсра чăваш каччи тепĕр хут çитĕнÿсемпе савăнтарчĕ. Вун пĕрмĕш класс ачи конкурса сыр тăвас енĕпе проект тăратнă. Тăрăшуллă та мал ĕмĕтлĕ арçын ачана наука ертÿçи - Хушăлка шкулĕнче биологи предметне илсе пыракан Надежда Васильева тивĕçлĕ проект хатĕрлеме пулăшнă.

Март уйăхĕн 21-мĕшĕнче Ĕпхÿ хулинчи «ВДНХ – ЭКСПО» курав комплексĕнче чыслав церемонийĕ иртнĕ. Унта Антон Григорьев та хутшăннă. Пултаруллă каччă «АгроЮность – 2023» республика конкурсĕнче 16-18 çулхисен ÿсĕмĕнче пĕрремĕш вырăн йышăннă. Çĕнтерÿçе черетлĕ çитĕнÿпе саламлатпăр.