Май уйăхĕн 22-мĕшĕнче алкоголь шĕвекĕсем сутма чарĕç

Кăçал юлашки шăнкăрав кунĕ 9 тата 11 классенче вĕренекенсем валли мероприятисене халалланă пĕрлĕхлĕ кунта – май уйăхĕн 22-мĕшĕнче иртĕ. Асăннă датăна  регионти Вĕрентÿпе наука министерстви çирĕплетнĕ.

- Республикăри саккунпа килĕшуÿллĕн, лавккасенче алкогольпе вак суту-илÿ тума чарĕç. Обществăлла апатлану предприятийĕсене асăннă чару пырса тивмест, - ăнлантарса панă Пушкăртстанри Суту-илÿ министерствинче.

Астутарасшăн,   Пушкăртстанра çапла Çĕнĕ çулхи каникулсенче, Çамрăксен кунĕнче, Пĕлÿ кунĕнче тата Сабантуйсенче алкогольпе суту-илÿ тума чарасси пурнăçа кĕнĕ.