«Ылтăн тапхăр»

Октябрь уйăхĕн 20-мĕшĕнче Пелепей районĕнчи Ярмулай ялĕнчи Культура çуртĕнче «Ылтăн тапхăр» уяв программи иртрĕ. Унта тĕлĕнмелле вăхăт çинчен нумай илемлĕ сăмах хускатрĕç. Çавăн пекех Исаак Левитан художникăн кĕр илемне сăнлакан ÿкерчĕкĕсене курса килентĕмĕр, Петр Чайковскин кĕрхи çанталăкăн савăнăçлă та хурлăхлă кăмăлне уçса паракан «Кĕрхи юрă» произведенине итлерĕмĕр.

Пуçтарăннисем тупмалли юмахсен тупсăмĕсене уçса пачĕç, вăйăсем вылярĕç, мĕн авалтан паллă тунă кĕрхи халăх уявĕсене аса илчĕç.

Ирина ВАСИЛЬЕВА.

Пелепей районĕ,

Ярмулай ялĕ.