Кăçал 750 тăлăх ачана пурăнмалли вырăнпа тивĕçтерĕç

2030 çул тĕлне 5 пине яхăн çынна пурăнмалли вырăнпа тивĕçтерĕç. Хваттерсене  тăлăх ачасене тара илесси çинчен тунă килĕшÿпе уйăраççĕ. Çулталăк пуçланнăранпа муниципалитет влаçĕсем 560 млн тенкĕлĕх 225 хваттер туяннă.

Иртнĕ çултан пуçласа республика бюджетĕнчен тăлăх ачасене 3,2 млн тенкĕлĕх çурт-йĕр сертификачĕсем уйăрма пуçланă. Иртнĕ çул çак çăмăллăхпа 80 тăлăх ача усă курнă, кăçал çак вăхăт тĕлне – 31 ача. Кăçалтан пуçласа хваттере çĕршывăн ытти регионĕсенче те туянма юрать.