Кĕрхи призыва лекекенсене службăна октябрь уйăхĕн 15-мĕшĕнчен ăсатма пуçлĕç

2025 çулхи октябрь уйăхĕн 1-мĕшĕнчен декабрь уйăхĕн 31-мĕшĕччен Раççейре кĕрхи призыв çула тухать. Тивĕçлĕ хушăва Раççей Президенчĕ Владимир Путин алă пуснă.

Служба срокĕ 12 уйăх тăсăлĕ, призывниксене пухăнмалли пунктсенчен октябрь уйăхĕн 15-мĕшĕнчен ăсатма пуçлĕç.

- Çар службине призывпа иртекенсене ятарлă çар операцин тивĕçĕсене пурнăçлама явăçтармĕç, - пĕлтернĕ социаллă сетьсенче Пушкăртстан правительствин премьер-министр çумĕ Ирек Сагитов. Пулас салтаксен виçĕ пайĕнчен пĕри вĕренÿ хутшăнăвĕсене тата çар чаçĕсене лекĕç, çĕнĕ çар техникипе ĕçлеме вĕренĕç, çарпа учет специальноçне алла илĕç.

Автор: Инга Алексеева

Читайте нас