Пушкăртстан каччи Андрей Малаховăн кĕвĕ-юрă шоуне хутшăннă

Çитес вырсарни кун «Раççей» телеканалта «Чунран юрăсем» («Песни от души») музыка программин черетлĕ кăларăмĕ тухать. Ку хутĕнче студи хăни Çтерлĕ хулинче çуралса ÿснĕ Виталий Воронов пулĕ.

Çирĕм икĕ çулхи Пушкăртстан каччи суд ĕçĕн специалистне вĕренет тата юрлама юратать. Передачăра вăл Тутарстанра пурăнакан Габдулла Хайбуллин музыкçăпа «Казаксем Берлинта» («Казаки в Берлине») вăрçă çулĕсен юррине юрлать.

Пушкăртстанра çамрăкăн кукашшĕпе кукамăшĕ пурăнаççĕ. Ун сăмахĕсем тăрăх, вĕсем ăна музыкăна юратма вĕрентнĕ те.

Автор: Инга Алексеева

Читайте нас