Вĕтĕ шăрçаран – чăваш эрешĕсем

Наци хăйне евĕрлĕхне çухатас мар тесен ачасене тăван культурăна мĕн пĕчĕкрен вĕрентсе пымалла, наци йăли-йĕркипе кăсăкланас туртăма вăратмалла.

Шăпах çак тĕллевпе Куюргазă районĕнчи Кривле-Илюшке ялĕнчи культура çурчĕн ĕçченĕсем «Чăваш эрешĕсем» мастер-класс йĕркеленĕ. Унта хутшăнакан хĕр ачасем чăваш ÿнерĕн историйĕпе тата пуян эткерлĕхĕпе паллашнă, илнĕ пĕлÿпе ĕçре курма хăнăхнă.

Çапла майпа опытлă алĕç ăстисем ертсе пынипе мастер-класа хутшăнакансем вĕтĕ шăрçаран тĕрлĕ капăрлăхсем ăсталанă.

Куюргазă районĕ, Кривле-Илюшке ялĕ.