Студент пурнăçне пуçласа яракан ырă йăла

Пушкăртпа тĕрĕк филологи факультетĕнче йĕркене кĕнĕ питĕ лайăх йăла пур, вăл - пĕрремĕш курс студенчĕсемпе вĕрентекенсем тата студентсен активĕ вĕренÿ çулĕ пуçламăшĕнче Торатау тăвĕ çине хăпарасси.

Пĕрремĕш курс студенчĕ пулнă май çакна хам çинче туйса курма пултартăм. Пурте пĕрле ту çине хăпарсан эпир вăйăсем вылярăмăр, çакă пире пĕр-пĕринпе çывăхрах паллашма, туслă çыхăнусем йĕркелеме май пачĕ.

Студент пурнăçне ăшă та кăмăллă çул çÿреврен пуçлани кăмăла кайрĕ, вăл пуриншĕн те усăллă пулчĕ тесе уйлатăп. Вĕрентекенсемпе аслă юлташсене çак мероприятие йĕркеленĕшĕн студентсен ятĕнчен тав тăватăп.

Никита ИВАНОВ, ĔНТУн Çтерлĕри филиалĕн 1 курс студенчĕ.