Радий Хабиров «Ĕç паттăрлăхĕ хули» стела умне чечексем хунă тата Пушкăртстан ĕçченĕсене чысланă

- Паян эпир ĕç паттăрлăхĕн стелли умĕнче йывăр вăхăтра республика экономикине çĕклес тата тылра Аслă Çĕнтерĕве çывхартас тесе тăрăшнă паттăрсене асра тытса пухăнтăмăр. Шел пулин те, тыл ветеранĕсемпе ĕçченĕсем сахалланса пыраççĕ. Эпир вĕсене хисеплетпĕр, пирĕнпе юнашар çуккисене асра тытатпăр. Паян эпир хальхи вăхăтра промышленность сферинче тата ял хуçалăхĕнче пуянлăх тăвакансене чыслатпăр. Хам ятран вĕсене тав сăмахĕ каласа хисепленине пĕлтересшĕн. Малашне çак вырăна ветерансемпе шкул ачисем килсе çÿрĕç, ахаль халăх канма кăмăл тăвĕ. Пирĕншĕн Ĕпхÿ, Раççейри нумай мар хуласем хушшинче, ĕç паттăрлăхĕн хули пулни  пысăк чыс та сум пулса тăрать. Паян эпир хамарăн ĕçченсене патшалăх наградипе - «Ĕçри паттăрлăхшăн» медальпе – чыслама шутларăмăр тата вĕсене тав сăмахĕ каласшăн. Тепĕр хут сире Çуркунне тата Ĕç уявĕпе саламлатăп. Çак уяв пире пурне те пĕрлештерет, вăл çутă та савăнăçлă уяв, - тенĕ Радий Хабиров.

Пушкăртстан Пуçлăхĕ «Ĕçри паттăрлăхшăн» медальпе 40 ытла ветерана тата  тĕрлĕ отрасльти ĕçчене наградăланă.

Юрий СНЕГОПАД.