Раççее H3N2 вируслă грипп чирĕ килсе çитнĕ

Унăн сăмахĕсем тăрăх, çак штамм Египетран килсе çитнĕ. Çав вăхăтрах ведомство пуçлăхĕ çĕршывăн территоринче грипăн урăх вирусĕсене тупса палăртманнине çирĕплетнĕ.

Анна Попова Раççейре сезон вăхăтĕнче сарăлакан инфекци чирĕсемпе çыхăннă лару-тăру çирĕп те тăн-тăн пулнине палăртнă.

Тухтăрсем гриппа чирленĕ чухне ÿт температури 38,5 – 39 градуса çитнине палăртаççĕ, хăш чухне чирĕн пуçламăш сехечĕсенче пысăкрах та пулма пултарать. Хăш-пĕр пациентсен ÿтре субфебрильлĕ (37,1-  37,9) е йĕркеллĕ температура та пулать. Температура йĕркеллĕ е кăшт хăпарнă чухне вирус валли шăпах майлă самант, çавăнпа та чирĕн малтанхи тапхăрĕнче температурăна чакармалли эмелсем ĕçме кирлĕ мар. Хăвăра чиперех туятăр пулсан çитĕннисен ÿт температури 38 градусран, ачасене 39-тан иртсен çеç эмел ĕçме юрать.

Юрий СНЕГОПАД.