Хăрушă инфекципе чирлес темесен

Çак хăрушă чире шăшисемпе тата вĕсен каяшĕсемпе хутшăнсан çаклатма пулать. Чирĕн паллисем çапларах: ÿт температури ÿсни, пилĕк таврашĕнче ыратни, питпе алăсем хĕрелни те пулма пултарать.

Ансат та усăллă сыхлăх мерисене ялан асра тытмалла. Сад пахчинче, çĕрпе ĕçленĕ хыççăн алăсене супăньпе çумалла, çапла туни чирлес хăрушлăха чакарĕ. Кăшлакан чĕр чунсем тĕкĕннĕ апат-çимĕç те инфекци çăл куçĕ пулма пултарать. Апла пулсан вĕсемпе усă курмалла мар. Вăхăтăра тусанлă çуртра, сăмахран, дачăра ирттереттĕр пулсан дезинфекци хатĕрĕсемпе усă курса çуса тухма ан манăр. Респиратор тăхăнни те сывлав органĕсене инфекцирен сыхласа хăварĕ.