Пушкăртстан хулисем пурăнма хăтлă шутланаççĕ

Пурĕ çĕршывăн 1116 хулине хакланă. Радий Фаритович ăнлантарса панă тăрăх, «юлашки çулсенче республикăра пурăнма ункайлă хуласен шучĕ ÿссех пынă».

 ПР пуçлăхĕ  астутарнă тăрăх, 2018 çулта Пушкăртстанра 6 хула çеç  хăтлă пурăнмалли вырăнсем шутне кĕнĕ пулсан, 2023 çулта  вĕсен шучĕ 17-е  çитнĕ. 2024 çулта рейтинга республикăри пур хула та кĕнĕ.

- Çак индекса специалистсем 36 параметр тăрăх шутласа кăларнă – тирпейлÿ, хăрушсăрлăх, обществăлла транспорт, çулсем, майлă хутлăх тата ытти те, - асăннă Радий Фаритович.

 – Эпир республикăри хула-ялсенче хăтлăх йĕркелес ĕçре пысăк çитĕнÿсем турăмăр. Кашни районпа хуласенче илемлĕ парксем, халăх пухăнмалли вырăнсем уçăлчĕç.

 Çав вăхăтрах республика ертÿçи туса ирттернĕ ĕçсем çинче чарăнса тăма хушмасть.

- Çакă эпир тĕллеве пурнăçланине пĕлтермест, - тенĕ вăл. – Тумалли ĕçсем нумай. 2025 çулта «Хăтлă хула хутлăхĕ йĕркелесси» программăпа «Пурнăç валли кирлĕ инфраструктура» наци проекчĕпе 164 обществăлла вырăна йĕркене кĕртме палăртатпăр. Вĕсенчен 94-шне – федераллă бюджет пулăшнипе. Ĕçе халех пуçласшăн.