Мускавра пилотсӑр трамвайсем ҫÿре пуçланă

Тăван çĕршывăн тĕп хулинче, Мускавра, пилотсӑр (урăхла каласан водительсĕр) ҫӳрекен трамвайсем пуҫласа ҫула тухнӑ. Вӗсем 10-мӗш маршрутпа çÿреççĕ, пассажирсене «Щукинская» метро чарӑнуран пуҫласа Таллин урамӗ пуҫланнӑ ҫӗре илсе ҫитеҫҫӗ.

Проектшӑн яваплисем ӗнентернӗ тӑрӑх, пилотсӑр трамвай чарӑнӑва аякранах тата таҫтанах курать, алӑк уҫмаллине, чарӑнмаллине, хӑвӑртлӑха ӳстерсе чакармаллине тата ыттине самантрах ӑнланса илет. Вӑл ҫул-йӗр правилине пӑхӑнать. Маршрута сантиметр таран пӗлет.

Автор: Юрий Михайлов

Читайте нас