Радий Хабиров Владимир Путина Пушкăртстанăн ĕçĕсене пысăк хак панăшăн тав тунă

«Тавах Владимир Владимировича саламланăшăн тата пирĕн ĕçе пысăк хак панăшăн! Инвестици климатне йĕркелес ĕçре Наци рейтингĕнче Пушкăртстан виççĕмĕш вырăн йышăнни вăл – тивĕçлĕ те тĕрĕс кăтарту. Анчах та эпир çÿлелле çĕкленме ăнтăлатпăр. Республикăра ертсе пыракан вăйлă команда ĕçлет, вăл нумай ĕçсем тума пултарать. Çавăнпа та малалла утатпăр», - тесе çырнă Радий Хабиров социаллă сетьсенче.

 Аса илтеретпĕр, ĕнер, июнь уйăхĕн 5-мешĕнче, Владимир Путин Петербургри пĕтĕм тĕнчери экономика форумĕн (вăл 29-мĕш хут иртнĕ) пленарлă ларăвĕнче Пушкăртстан Республикине инвестици илĕртуллĕхĕпе малта пыракан регинсен шутне кĕнине палăртнă. Президент регион ертÿлĕхĕ бизнес валли лайăх та майлă условисем туса панине çирĕплетнĕ.

Юрий СНЕГОПАД.