Ял-саласене тирпей-илем кĕртĕç

Çапла, Бурзян районĕнчи Кивĕ Субхангулово район центрĕнче кану зонисем, çуран çÿрекенсен сукмакĕсем, хăрушлăхсăр ача-пăча лапамĕсем, вăйă оборудованийĕсем, уçă пĕлĕт айĕнчи сцена пулĕç. Шаран район центрĕнче, Шаран салинче, тĕп лапам сăнне илем кÿрĕç. Татăшлă тăрăхĕнчи Шулганово салинче спортпа туслă пулма условисем тăвĕç: тĕрлĕ вăйă тĕсĕсен лапамĕсене йĕркелĕç.

Балтач районĕнчи Кивĕ Балтач салинчи Южный микрорайонти Çиччĕмĕш тата Центральная урамсенчи аллейăсене йĕркене кĕртеççĕ. Кунта сукмаксене çĕнетĕç, йывăçсем лартĕç, видеосăнав системине вырнаçтарĕç. Дуван тăрăхĕнче Ай юханшывăн хĕррине хăтлăх кĕртĕç.