СВОра вилнӗ ҫынсен ҫемйисене ҫурт-йӗрпе пулӑшӗҫ

Сӑмах кунта тепĕр хут çемье çавăрман, пӗр е темиҫе ача ӳстерекен, пурӑнмалли ҫурт-йӗр условийӗсене лайӑхлатма шутланă, мăшăрĕсене СВОра çухатнă çынсем пирки пырать.

СВОра вилнӗ ҫынсен мӑшӑрӗсене пурӑнмалли ҫурт-йӗр туянма е хăпартма социаллӑ тӳлевсемпе чи малтан тивĕçтерĕç. Кун пирки правительствӑра постановлени алӑ пуснӑ. Документра пĕлтернĕ тăрăх, социаллӑ тӳлевсем ҫурт-йӗр хакӗн 35 процентӗнчен кая мар пулӗҫ. Укҫа-тенке ҫӗнӗ çурт е хваттер туяннă, харпӑр ҫурт-йӗр хăпартнă, малтанхи взнос е ипотека тӳленĕ çĕре яма юрать.