Пушкăртстанри 159 компани СВОна хутшăннисене ĕçе вырнаçтарма хатĕр

Ĕнерхи салтаксем валли 700 ваканси пур.

Вĕсене «УМПО», «Пушкăрт сода компанийĕ», «Гидравлика» заводсем, «Алексеевский» ял хуçалăх комплексĕ тата ытти предприятисем ĕçе илме хатĕр.

Кадрсемпе ĕçлекен центрсенче пуринче те тенӗ пекех «Занятость СВОих» арçын клубĕсем уçăлнă. Тĕлпулусенче мастер-классем, семинарсем, çавра сĕтелсем тата спорт матчĕсем те иртеççĕ. Асăннă клубсен мероприятийĕсене 200 СВО ветеранĕ хутшăннă.