Социаллă контрактпа усă курса ферма уçнă

Арçын социаллă контрактпа 350 пин тенкĕ илсе пысăк мар ферма, аш-какайран продукцийĕ туса кăларакан пĕчĕк цех йĕркеленĕ. Илнĕ укçа-тенкĕпе вăл дисклă сÿре, ваккумлă вакламалли хатĕр, самосвал  прицепĕ тата тĕш-тырăллă выльăх апачĕ туяннă. Предприниматель эрнере пĕр хутчен район центрĕн тĕп пасарĕнче хăйĕн продукцине сутать.

Пушкăртстанра 2025  çулта пурĕ тăватă пине яхăн социаллă контракт алă пуснă, вĕсенчен 1100-шĕ  харпăр хăйĕн ĕçне уçнă. Программăна хутшăннисем 718 миллион тенкĕ ытла нухрат илнĕ.