Сăвăссене пула 6 пин ытла çын хĕн курнă

Роспотребнадзорăн республикăри управленийĕ пĕлтернĕ тăрăх, Пушкăртстанри сывлăх сыхлав учрежденийĕсене  паянхи куна сăвăс çыртнине пула 6 371 çын пулăшу ыйтма килнĕ. Вĕсенчен - 2 348-шĕ ачасем. Иртнĕ çул çак вăхăт тĕлне 7011 пулăма шута илнĕ пулнă. Ачасем – 2752.

Ведомствăра çавăн пекех Гигиенăпа эпидемиологи центрĕнче тата унăн филиалĕсенче сăвăс çыртнă хыççăн вирус энцифаличĕпе тата боррелияпа чир ертессинчен терĕсленмелли вырăнсем уçнине те пĕлтернĕ.

Юрий МИХАЙЛОВ.