Пур хыпар та
Чăвашлăх
26 Июлӗн 2021, 17:30

Ача-пăча лагерĕнче 46 ача кăшăлвируспа чирленĕ

Пушкăртстанри пĕр ача-пăча лагерĕнче 46 ача кăшăлвирус инфекцийĕпе чирленине тупса палăртнă. Çакна правительствăра иртнĕ оперативлă канашлура Пушкăртстанри Роспотребнадзор ертÿçи Анна Казак пĕлтернĕ. Хĕрарăм сăмахĕсем тăрăх‚ паянхи кун тĕлне ачасем канмалли учрежденине хупнă.

Ача-пăча лагерĕнче 46 ача кăшăлвируспа чирленĕ
Ача-пăча лагерĕнче 46 ача кăшăлвируспа чирленĕ

Республика пуçлăхĕ Радий Хабиров регионти Вĕрентÿ министерствине кĕске вăхăт хушшинче ĕçлĕ ушкăн йĕркелеме тата Роспотребназор ĕçченĕсемпе пĕрле çуллахи кану лагерĕсенче тĕрĕслевсем ирттерме хушу панă.

 - Асăннă лару-тăрăва тĕпчемелле. Лагерьсенче ачасем чирленине шута илсе вĕсен ертÿçисене ĕçрен кăларса ямалла. Вĕсем малашне пирĕнпе пĕр çулпа пыраймаççĕ‚ – тенĕ регион ертÿçи.  – Çакăн пек хăтланни ачасене канусăр хăварма пултарать. Умра вара тата пĕр уйăх. Çак вăхăт хушшинче ачасем лайăх канма пултараççĕ.

Автор:Ирида Матниязова
Читайте нас в