Пур хыпар та
Чăвашлăх
28 Июлӗн 2021, 11:32

400 пин тонна тырă çапса илнĕ

Пушкăртстанри 54 районтан 46-шĕнче тыр-пул пуçтарас ĕç пырать. Ял хуçалăх министерстви пĕлтернĕ тăрăх, паянхи кун 250 пин гектар кĕрхипе çурхи культурăсене çулса тăкнă, 233 пин гектар çинчи тырра çапса илнĕ. Паянхи куна пĕтĕмпе 394 пин тонна тыр-пул тĕшĕлесе кĕртнĕ. Кĕрхи культурăсен вăтам тухăçĕ гектартан 17,5 центнерпа танлашать, çурхи - 13,6 центнер.

400 пин тонна тырă çапса илнĕ
400 пин тонна тырă çапса илнĕ

Кĕрхи тырра çапса илессипе Авăркас районĕ (28 пин тонна) мала тухнă, вĕсене хуса çитсе Чекмагуш районĕ (27,5 пин тонна) пырать, виççĕмĕш вырăна Давлекан районĕ (26 пин тонна) йышăннă.
Вырма кампанийĕ июль уйăхĕн 14-мĕшĕнче пуçланнă. Кĕрхи культурăсене 3 млн гектар çĕр лаптăкĕ çинче акнă пулнă. Иртнĕ çул тĕш тырăсен тухăçлăхĕ питĕ савăнтарнă, пурĕ 4 млн тонна ытла пухса илнĕ. Çак кăтарту 2019 çулхипе танлаштарсан, 25% чылайрах пулнă.

Автор:Инга Алексеева
Читайте нас в