Пур хыпар та
Чăвашлăх
28 Июлӗн 2021, 11:40

Пластик бутылкăсене хута ямалли комплекс пулĕ

Çĕнĕ завода 2028 çулта хута ярĕç. Пушкăртстанри Благовещенск хулинче  пластик бутылкăсене хута ямалли комплекс тăвĕç. Проекта пурнăçа кĕртме кăçалах пуçлĕç, 2028 çулта хута ярĕç. Çакăн çинчен Пушкăртстан премьер-министрĕ Андрей Назаров хăйĕн Facebook страницинче пĕлтернĕ.

Пластик бутылкăсене хута ямалли комплекс пулĕ

Çĕнĕ завода малтан Биохимкомбинат пулнă вырăнта хăпартĕç. Вăл иртнĕ ĕмĕрĕн 90-мĕш çулĕсенче юхăннă. Пăрахăçа тухнă вырăнта хальхи вăхăтпа килĕшÿллĕ тата экологи енчен сиенсĕр производство уçасшăн.

- Каяшсене çунтармĕç, çĕр ăшне чавса хумĕç, унтан тепĕр хут тавар тăвĕç, - палăртнă Андрей Назаров.

Çĕнĕ производство çулталăкне 13 пин тонна таран чĕр тавар  тата апат-çимĕç хумалли упаковкăсем тума пĕчĕк пластмасс татăкĕсене хатĕрлĕ. Комплекса уçнă хыççăн Благовещенск хулин хысни çĕнĕ налук тÿлевĕсемпе пуянланĕ тата çынсем валли ĕç вырăнĕсем пулĕç.

Автор:Инга Алексеева