Пушкăртсан чăвашĕсем чăваш диктанчĕ çырас акцие хастар хутшăнчĕç

Ĕнер, апрель уйăхĕн 23-мĕшĕнче, республикăри районсемпе хуласенчи шкулсенче «Пĕтĕм чăваш диктанчĕ -2026» регионсем хушшинчи вĕрентÿ акцийĕ иртрĕ. Ăна Чăваш чĕлхи кунне, Раççейри халăхсен пĕрлĕхĕн çулталăкне тата Чăваш Енри халăхсен туслăх çулталăкне халалланă.

Чăваш диктанчĕ çырас мероприятие Ĕпхури Павел Миронов ячĕллĕ чăваш вырсарни шкулĕн вĕренекенĕсемпе вĕрентекенĕсем, Çтерлĕ хулинчи чăваш наципе культура автономин, Давлекан районĕнчи Чуюнчă Николаевка ялĕнчи, Çтерлĕпуç районĕнчи Тетĕрпуçĕнчи, Федоровка тăрăхĕнчи тата ытти вырăнсенчи чăваш хастарĕсем хавхаланса та уçă кăмăлпа хутшăнчĕç. Акцие яланхиллех икĕ майпа усă курса йĕркеленĕ: ятарласа хатĕрленĕ вырăнсенче тата Интернет е радио урлă.

Юрий СНЕГОПАД.