Туризм сферинчи ĕçченсем хисеплĕ ята тивĕçĕç

Асăннă саккун проекчĕ «Пушкăртстан Республикин туризм сферин тава тивĕç ĕçченĕ» ята çирĕплетесшĕн. Ăна çÿллĕ шайри професси пултарулĕхĕшĕн тата отрасльте нумай çул тÿрĕ кăмăлпа ĕçленĕшĕн парĕç.

 «Туризм сферинче тăрăшакансен ĕçĕ çĕршывпа регион экономикинче пĕлтерĕшлĕ вырăн йышăнать пулсан та вĕсем чылай чух общественность куçĕнчен айккинче юлаççĕ, - ăнлантарса панă ПР Патшалăх Пухăвĕн председателĕ Константин Толкачев. – Хисеплĕ ята çирĕплетни ăнсăртран сиксе тухакан ыйтусене татса паракан, инкеке лекнĕ туристсене пулăшакан туризм сферинче вăрах вăхăт тăрăшакан çынсен ĕçне хисеплени, тав туни пулĕ».