Владимир Путин Пушкăртстанри пĕр çемьене медальпе наградăланă

РФ Президенчĕ Владимир Путин Ильшатпа Регина Лукмановсене «Ашшĕ-амăш мухтавĕ» орден медалĕ парса чысланă. Çакăн пирки республикăри çемье, ĕç тата халăха социаллă хÿтлĕх парассине тимлекен министр Ленара Иванова пĕлтернĕ.

- Благовар районĕнче пурăнакан çемье пуçĕ Ильшат Ильдарович хресченпе фермер хуçалăхне ертсе пырать, лашасем ĕрчетет. Регина Римовна - истори учителĕ, ПР Çут ĕç отличникĕ. Тăватă ывăлĕ те – Аскарпа Ислам, Аланпа Ильгам – спортпа туслă, пултарулăхпа наука конкурсĕсенче çитĕнÿсем тăваççĕ, лайăх вĕренеççĕ, ашшĕпе амăшне пулăшаççĕ, - каласа панă Ленара Иванова çемье пирки.

Автор:Ирида Матниязова

Читайте нас

Партнеры