2024 çул пуçламăшĕнче миçе пепке çурални паллă

Министр çумĕ палăртнă тăрăх, январь уйăхĕн 1-8-мĕшĕсенче 10 йĕкĕреш çут тĕнчене килнĕ.

 - Çĕнĕ çул каçĕ пирĕн специалистсемшĕн кулленхи йĕркепе иртет. Ачасем нумай çуралнă,  вĕсен хушшинчи вăхăт кĕске пулнă. Çавăнпа бригадăсене тухăçлă ĕçлеме тÿр килнĕ. Апла пулин те креатив валли те вăхăт тупăннă – Çĕнĕ çул каçне çут тĕнчене килнĕ пепкесене илемлĕ «конвертсем» ăшне вырнаçтарнă. Çапла майпа ачасен ашшĕ-амăшĕсене савăнăç парнеленĕ,  - каласа панă Татьяна Саубанова.

Иртнĕ çул ача çуралнине çирĕплетекен свидетельствăсен 76 процентне электронлă майпа панине те палăртнă министр çумĕ.