Çамрăк çемьере йĕкĕреш хĕр ачасем çуралнă

Йĕкĕрешсем çурални çинчен çирĕплетекен чаплă регистраци апрель уйăхĕн 15-мĕшĕнче Балтач районĕнчи ЗАГСра пулса иртнĕ. Азамат ашшĕпе Ляйсан амăшĕ хĕрĕсене Азалия тата Амалия ятсем парас тенĕ. Пепкесем - çемьери пĕрремĕш ачасем.

Пĕрремĕш çут тĕнчене Азалия килнĕ. Азалия – «чечек» тенине пĕлтерет. Амалия иккĕмĕш пулса çуралнă. Çак ят «ĕçчен» тенине пĕлтерет.

- Икĕ ача çуралассине пĕлсен питĕ савăнтăмăр. Пирĕн ăрура йĕкĕрешсем çурални пулнă-ха, - каласа панă ЗАГС ĕçченĕсене икĕ пепкен телейлĕ ашшĕ.

ЗАГС ĕçченĕсем ашшĕне çемье хушăннипе саламланă, сывлăх суннă, Балтач районĕнче пурăнакан чи пĕчĕк çыннисене телей суннă, парнесем панă.