Пушкӑртстанра Алхатовсен нумай ачаллӑ ҫемйинче 13-мӗш ача ҫуралнӑ

Тин ҫуралнӑ пепке ҫемьере 7-мӗш хӗрача пулса тӑни пирки Пушкӑртстан патшалӑх юстицийӗн председателӗ Владимир Спеле пӗлтернӗ.

Зилаир районӗнчи Юлдыбаево ялӗнчи Байгоныспа Гайрифа Алхатовсем каллех ҫамрӑк аттепе анне пулса тӑнӑ. Нумай ачаллӑ ҫемьере Саул ятлӑ хӗр ҫуралнӑ. Вӑл пысӑк та туслӑ кил-йышра 13-мӗш ача пулса тӑнӑ. Ҫемьере тӗлӗнмелле илемлӗ ятлӑ ачасем: Балжан, Руслан, Рустам, Мухаммет, Ерлан, Марьям, Нурия, Сабия, Фатима, Сафия, Ибрагим, Имран çитĕнеççĕ. Алхатовсем ача çурални çинчен çирĕплетекен свидетельствăна илес тесе «Ача çурални» суперсервиспа усă курнă. Зилаир районӗнчи ЗАГС пайӗн пуҫлӑхӗ Гульназ Кашкарова телейлӗ ашшӗ-амӑшне ача çурални çинчен çирĕплетекен свидетельствӑна панă чух тин ҫуралнӑ пепкене ҫирӗп сывлӑх, телей тата ырлӑх суннă.