Мартăн 8-мĕшĕнче Пушкăртстанра 25 арçын ача тата 22 хĕр ача çуралнă

Пĕтĕм тĕнчери хĕрарăмсен кунĕ Пушкăртстанри 47 çемьешĕн чăн-чăнах телейлĕ пулса тăнă. Мартăн 8-мĕшĕнче республикăра çут тĕнчене 25 арçын ача тата 22 хĕр ача килнĕ тесе пĕлтернĕ регионти сывлăх сыхлав министерствин пуçлăхĕ Айрат Рахматуллин.

«Телейлĕ çемьесене пепкесем çуралнă ятпа саламлатăп!», - тенĕ министр.

Маларах Куюргазă районĕнчи 11 ача амăшĕ Фаягуль Абдуллина ăна ачисем телей парнелени çинчен каласа панă. Пĕрремĕш ачине вăл 18 çулта çуратнă, вун пĕрмĕшне, Аселия хĕрне - иртнĕ çул 42 çулта чухне.

Юриййй СНЕГОПАД.