Ачасене усрава илекенсен шучĕ нумайланнă

Республикăра ачасене усрава илес тĕслĕхсем нумайланнă. Пушкăртстан Республикин Юстици ĕçĕпе ĕçлекен патшалăх комитетĕнче 2024 çулхи ултă уйăх хушшинче 158 хĕр ачапа арçын ача çемье тупни çинчен пĕлтернĕ. Çакă иртнĕ çулхипе танлаштарсан 6,8% нумайрах.

Ĕпхÿ хулинче усрава илнĕ 25 тĕслĕхе регистрациленĕ, кăтарту 19% ÿснĕ. Асăннă ĕçпе малтисен шутне хулан Киров тата Октябрьский районĕсем (7-шер тĕслĕх) тухнă. Çавăн пекех лайăх кăтартусемпе Салават (10), Белорецк (9), Пелепей (9) тата Çтерлĕ хулисем савăнтарнă.

Районсем хушшинче чи малта Иглин районĕ пырать. Унта ачасене усрава илнĕ тăхăр тĕслĕхе регистрациленĕ.