Пушкăртстанра тĕрмере ларакансем 1,3 млрд тенкĕлĕх тавар туса кăларнă тата тĕрлĕ пулăшу панă

Унăн сăмахĕ тăрăх, республикăри уголовлă айăплав наказанине пурнăçа кĕртекен тытăмăн промышленность комплексĕ сакăр производство лапамĕнчен тăрать.

- Вĕсем пурте пысăк хăватпа ĕçлекен промышленность предприятийĕсем шутланаççĕ. Пурте республикăри промыленность тата транспорт центрĕсенче вырнаçнă. Производство лаптăкĕ пĕтĕмĕшле 280 пин ытла тăваткал метр йышăнать, технологи оборудованисем 3 пине çитеççĕ, - пĕлтернĕ Владислав Дзюба. – Эпир тăтăшах продукци ассортиментне улăштаратпăр. Сăмахран, 2022 çулта 52 çĕнĕ тавар кăларма пуçланă. Вĕсен шутĕнче – ятарлă транспорт хатĕрĕсем, чугунтан тунă илемлĕ картасем, çемçе тата хытă маргарин, йытăсене апатлантармалли тулли рационлă типĕ апат, япаласен айне хумалли йывăçран тунă тĕпсем (поддоны), вĕрентÿ сферинче кирлĕ сĕтел-пукан, тĕрлĕ ĕç тумтирĕ тата ытти те.

Иртнĕ çул пурнăçланă пысăк заказсенчен пĕри «КамАЗ- 65115» шассийĕ çинче пухнă «А3» йышши икĕ автомобиль пулнă. Вĕсен пĕтĕмĕшле хакĕ 14, 2 миллион тенкĕпе танлашнă. Машинăсене 7№ ĕçлесе юсанмалли колонинче туса хатĕрленĕ,Таджикистан Республикинчи Юстици министерствин айăплав наказанине пурнăçлакан тĕп управленине ăсатнă.

Юрий СНЕГОПАД.