Парнелӗх кӗнеке 5 пин тенкӗ ытла тӑрать

«Чӑваш кӗнеке издательстви «Чувашия: вехи истории и современность» парне пуххи хатӗрленӗ. Комплекта кӗнеке-альбом тата наци эрешӗпе капӑрлатнӑ шӑнкӑрав кӗрет.

Пичет кӑларӑмӗ нумай нациллӗ Чӑваш Енпе тата чӑваш халӑхӗн историйӗпе паллаштарать. Кӗнекене Е.В. Касимов, С.Н. Кодыбайкин, Ф.Н. Козлов ученӑй-историксем пухса хатӗрленӗ.

Кӑларӑм республика хӑнисемшӗн паха парне пулассине шанаҫҫӗ. Комплект хакӗ – 5460 тенкӗ», - тесе çырать Чăваш халăх сайчĕ.

Мĕнех хакĕ «çыртать» пулсан та паха та кăмаллă парне. Тепĕр чухне сумлă çынна хисеп тунă чухне парне шыраса хăшкăласси çук. Çав вăхăтрах кĕнеке-альбома калăплакансенчен «Шăнкаравĕ мĕн валли-ши?» тесе ыйтас килет.  

Юрий СНЕГОПАД.