Сейшель Утравĕсен Республикинчи хăнасем «Ĕпхÿ - чаплă та илемлĕ» тесе хак панă

Сейшель Утравĕсен Республикинчи Çамрăксен ĕçĕпе ĕçлекен, спорт тата çемье министерствин делегацийĕ вĕсене Пушкăртстанра пурăнакансем ăшшăн та кăмăллă кĕтсе илнине палăртнă.

- Эпир форума спорт мероприятийĕсем йĕркелес енĕпе хамăра кăсăклантаракан ыйтусемпе паллашма, татса пама килтĕмĕр. Пирĕн утравсем питĕ те пĕчĕк. Эпир Раççейрен, пысăк та анлă çĕршывран, мĕн те пулсан çĕннине вĕренесшĕн. Пушкăртстанăн тĕп хули, Ĕпхÿ – чаплă та илемлĕ. Кунта ырă кăмăллă та тарават çынсем пурăнаççĕ, - палăртнă Сейшель Утравĕсен Спорт министерствин представителĕсем.

Юрий СНЕГОПАД.