Тирпей-илем кĕртессишĕн 600 пине яхăн çын сасăланă

2026 çулшăн обществăлла территорисене тата проектсене суйлассипе çыхăннă Пĕтĕм Раççейри онлайн-сасăлав апрель уйăхĕн 21-мĕшĕнчен пуçланса июнь уйăхĕн 12-мĕшĕччен пырĕ. Асăннă ĕç «Хăтлă хула хутлăхĕ йĕркелесси» федераллă программа шайĕнче пурнăçланать. Çынсен 241 объектран 159-не суйласа илмелле.

Чи хастаррисен шутне Мечетлĕпе Кугарчă, Краснокамскпа Ишимбай, Буздякпа Салават, Миякипе Абзелил тăрăхĕсем, Ĕпхÿ хулинчи Ленин тата Октябрьски районĕсем кĕнĕ.

Кăçал Пушкăртстанри обществăлла хутлăхсене тирпей-илем кĕртме 1,2 млрд тенкĕ уйăрма палăртаççĕ.