Олег Николаев блогерпа чӑвашла юрӑ юрланӑ

Тӳрех палӑртса хӑварар: пӗр-пӗр уявра е ӗҫкӗ-ҫикӗре мар.  Ҫамрӑк блогер, видео тӑрӑх хакласан, республика Элтеперӗ патне интервью илме пынӑ. Ҫавӑн чухне чӑвашла юрланӑ.

Олег Николаевпа блогер:

«Ҫумӑр ҫӑвать, ҫумӑр ҫӑвать ман ҫине.

Эп йӗпентӗм, эп йӗпентӗм ҫумӑрпа.

Мӗншӗн-ха, савни, пӑхмастӑн ман ҫине?

 Эпӗ йӗпентӗм, йӗпентӗм ҫумӑрпа», — тесе юрланӑ.

Куплета юрласа пӗтернӗ хыҫҫӑн хӗр-блогер Элтепере тав тесе калани илтӗнет, апла пулсан юрлама вӑл хӑй сӗннӗ курӑнать, Элтепер вара килӗшнӗ.

Сӑмах май каласан, блогерсем хӑйсен блогӗсене ҫынсем ытларах пӑхчӑр тесе тем те туса кӑтартаҫҫӗ. Юрлани вара ҫынпа вӑрҫса-ҫапӑҫса ҫӳрени мар.

Чăваш халăх сайчĕ.