Маларах массăлла информаци хатĕрĕсенче çанталăк -36 градуса сивĕтесси çинчен пĕлтернĕччĕ. Ĕпхÿре сивĕ кунсем тăнă вăхăтра çынсене вăхăтлăха вырнаçтармалли вырăнсем хатĕрленĕ.
- Чи хаяр сивĕсем канмалли кунсенче пулмалла, çавăнпа та лару-тăрăва пĕлсе хак памалла, кашни район уйрăмлăхне шута илмелле. Çынсене васкавлă пулăшу пама тата эвакуацилесе вăхăтлăха вырнаçма пунктсем йĕркеленĕ. Хулари мĕнпур службăсем пур енчен те хатĕр пулмалла, - тенĕ Ĕпхÿ хула администраци пуçлăхĕн пĕрремĕш çумĕ Сергей Кожевников.
Вăл уйрăмах Нагаево, Карпово, Елкибаево тата Самохваловка сад юлташлăхĕсене тимлĕх уйăрма хушнă. Кунта çуртсене ытларах электричество вăйĕпе хутса ăшăтаççĕ.
Юрий СНЕГОПАД.