Куçса çÿрекен лаборатори Пушкăртстанри хуртсене тĕрĕслĕ

Ветеринари патшалăх комитечĕ пĕлтернĕ тăрăх, пĕрремĕш кун вăл Бурзян районĕнче, апрель уйăхĕн 18-мĕшĕнче Кугарчă районĕнче,  22-мĕшĕнче Элшей районĕнче ĕçлĕ.

- Ветеринари лабораторийĕ пыл хурчĕсен вирус, инвази тата бактери инфекцийĕсен чирĕсене палăртĕ, - ăнлантарса панă ведомствăра. – Тĕпчевсен пĕтĕмлетĕвĕсене ветеринари станцийĕсенче е Пушкăрт ветеринари лаборатори филиалĕсенче 10 кун хушшинче алла илме пулĕ.

Мобильлĕ лаборатори  апрель уйăхĕн 26-мĕшĕччен ĕçлĕ.